Viktor Schobinger - züritüütsch läse und schriibe

Wèr züritüütsch wott schriibe, wäiss nöd imer wie. Oder er schriibt, wie s grad chunt. Debii git s ganz äifachi regle, vil äifacheri als uf schrifttüütsch. Daas Büechli git Hííwiis, wie me züritüütsch soo schriibt, das es der empfänger ring und richtig list. D regle boued uf de dietschriibig uuf, de de vernünftige löösig zum schwiizertüütschi diäläkt schriibe.